Միջազգային

ԱՄՆ-ը կհետաձգի «դարի գործարքի» հրապարակումը

1 րոպեի ընթերցում

ԱՄՆ-ը կհետաձգի «դարի գործարքի» հրապարակումը

ԵՐԵՎԱՆ, 17 ՀՈւՆԻՍԻ, ԱՐՄԵՆՊՐԵՍ: Իսրայելի եւ Պաղեստինի հաշտեցման ԱՄՆ-ի ծրագրի քաղաքական մասի հրապարակումը կարող են հետաձգել մինչեւ ընթացիկ տարվա նոյեմբեր: Այդ մասին, ինչպես տեղեկացնում Է «Արմենպրես»-ը, հայտնել Է Axios-ը՝ վկայակոչելով ԱՄՆ-ի նախագահի՝ Մերձավոր Արեւելքի խնդրով հատուկ դեսպանորդ Ջեյսոն Գրինբլաթին:

Այս որոշման պատճառ են դարձել Իսրայելի ներքաղաքական գործընթացները: Միացյալ Նահանգները պատրաստվում Էր գործարքի մանրամասնությունները հրապարակել ամառվա ընթացքում, բայց հրեական պետության վարչապետին չհաջողվեց կառավարող կոալիցիա ձեւավորել մայիսին, եւ երկրի խորհրդարանին վերընտրություններ են սպասում: Այդ կապակցությամբ հաշտեցման ծրագիրը կսպասի նոր կառավարությանը, որը կհայտնվի նոյեմբերին: Մինչ այդ ԱՄՆ-ի ղեկավար Դոնալդ Թրամփի նախընտրական արշավն արդեն լիովին ծավալված կլինի, սակայն, Գրինբլաթի խոսքով, դա խնդիր չի դառնա:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում