368.45
ՀՀ Նախագահը նախարարներ է նշանակել
1 րոպեի ընթերցում
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության Նախագահ Սերժ Սարգսյանը հրամանագրեր է ստորագրել նախարարներ նշանակելու մասին: Այս մասին «Արմենպրես»-ին տեղեկացրին ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունից:
Նախագահի հրամանագրով ՀՀ մշակույթի նախարար է նշանակվել Արմեն Ամիրյանը, ՀՀ էկոնոմիկայի նախարար է նշանակվել Սուրեն Կարայանը, ՀՀ աշխատանքի և սոցիալական հարցերի նախարար` Արտեմ Ասատրյանը, ՀՀ առողջապահության նախարար` Լևոն Ալթունյանը, ՀՀ բնապահպանության նախարար` Արծվիկ Մինասյանը, ՀՀ արտակարգ իրավիճակների նախարար` Արմեն Երիցյանը, ՀՀ արդարադատության նախարար` Արփինե Հովհաննիսյանը, ՀՀ սփյուռքի նախարար` Հրանուշ Հակոբյանը, ՀՀ տարածքային կառավարման և զարգացման նախարար` Դավիթ Լոքյանը, ՀՀ կրթության և գիտության նախարար` Լևոն Մկրտչյանը, ՀՀ սպորտի և երիտասարդության հարցերի նախարար` Հրաչյա Ռոստոմյանը:
Նախագահը մի քանի նախարարների նշանակել էր սեպտեմբերի 20-ի հրամանագրերով:
Բաժանորդագրվեք մեր ալիքին Telegram-ում