368.45
ԱՄՀ-ի տնօրենների խորհուրդը հավանություն է տվել Հայաստանին 22 մլն դոլար հատկացնելուն
1 րոպեի ընթերցում
ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ: Արժույթի միջազգային հիմնադրամի տնօրենների խորհուրդը հաստատել է Հայաստանի տնտեսության վերաբերյալ իր առաքելության երրորդ հաշվետվությունը ֆինանսական օգնության շրջանակներում, ինչը թույլ կտա երկրին լրացուցիչ ստանալ 22 մլն դոլար: Այդ մասին, ինչպես տեղեկացնում է «Արմենպրես»-ը, հայտնել է հիմնադրամը:
Հաշվետվության համաձայն՝ երկիրը կատարել է տրված վարկի եւ բարեփոխումների ընթացքի գծով իր ստանձնած պարտավորությունները:
Այսպիսով կավարտվի 71,5 մլն դոլարով Հայաստանի ֆինանսական օգնության եռամյա ծրագիրը:
«Չնայած դժվարին արտաքին պայմաններին, ծրագրի կատարումը միանգամայն գոհացուցիչ է, նպատակների մեծ մասը կատարված է»,- տնօրենների որոշումը բացատրել է ԱՄՀ-ի փոխտնօրեն Միցուհիրո Ֆուրուսավան:
Բաժանորդագրվեք մեր ալիքին Telegram-ում