Վարուժան Սուքիասյանը կհամատեղի աշխատանքը հավաքականում և «Արարատ»-ում

ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: Ֆուտբոլի Հայաստանի ազգային հավաքականի գլխավոր մարզիչ նշանակված Վարուժան Սուքիասյանը կշարունակի աշխատանքը նաև «Արարատ»-ում: Այդ մասին «Արմենպրես»-ին տեղեկացրին երևանյան ակումբի մամուլի ծառայությունից։

Սուքիասյանն «Արարատ»-ը գլխավորում է ընթացիկ տարվա ապրիլից:

2000-2001-ին Սուքիասյանն արդեն գլխավորել է Հայաստանի ազգային հավաքականը: Փորձառու մասնագետի գլխավորությամբ հավաքականն անցկացրել է 17 հանդիպում (3 հաղթանակ, 7-ական ոչ-ոքի եւ պարտություն):