368.53
Առողջապահական էքսպոյին այս տարի միացել են ավելի քան 80 խոշոր բժշկական կենտրոններ
2 րոպեի ընթերցում
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ:ՀՀ առողջապահության նախարար Արմեն Մուրադյանն այցելել է «Առողջապահություն և դեղագործություն EXPO 2015» 14-րդ միջազգային մասնագիտական ցուցահանդեսը: «Լոգոս Էքսպո»-ի գլխավոր տնօրենՍուրեն Նազինյանի ուղեկցությամբ` նախարարը շրջել է ցուցահանդեսի տաղավարներով, զրուցել հայաստանյան և արտերկրի մասնակիցների հետ: Նրան ներկայացվել են բժշկական և դեղագործական կազմակերպությունների կողմից մատուցվող ծառայություններն ու արտադրանքը:
Ինչպես «Արմենպրես»-ին տեղեկացրին ՀՀ առողջապահության նախարարությունից, ՀՀ առողջապահության նախարարը կարևորել է տարեցտարի տեղական ընկերությունների առավել լայն ներգրավածությունը ցուցահանդեսում:
Սուրեն Նազինյանի տեղեկացմամբ` օրական մասնագիտական այս ցուցահանդեսն ունենում է շուրջ 1000 այցելու:
Առողջապահական էքսպոյին այս տարի միացել են ավելի քան 80 խոշոր բժշկական կենտրոններ, դեղագործական ընկերություններ, բժշկական սարքավորումներ արտադրողներ ու ներմուծողներ։ Այս տարի ավելի մեծ թվով կազմակերպություններ են ներկայացված Ռուսաստանի Դաշնությունից, Բելառուսից, Իրանից, Հունգարիայից, Գերմանիայից, Չինաստանից, Իսրայելից, Ղազախստանից:Ցուցահանդեսը հնարավորություն է ընձեռում ծանոթանալ օտարերկրյա կազմակերպությունների մասնագիտական հաջողություններին` հետ չմնալով բժշկության, դեղագործության և ստոմատոլոգիայի միջազգային զարգացումներից:
Բաժանորդագրվեք մեր ալիքին Telegram-ում