1 րոպեի ընթերցում
ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Միացյալ Նահանգների նախագահ Բարաք Օբաման հեռախոսազրույց է ունեցել Թուրքիայի իր գործընկերոջ` Ռեջեփ Թայիփ Էրդողանի հետ: Ինչպես հաղորդում է «Արմենպրես»-ը, Սպիտակ տան մամուլի ծառայությունը տեղեկացնում է, որ հեռախոսազրույցի ժամանակ քննարկվել են Մերձավոր Արևելքում տեղի ունեցող իրադրաձությունները: Կողմերը մասնավորապես խոսել են Եմենում ծավալվող դեպքերի մասին:
Երկու երկրների առաջնորդներն անդրադարձել են Իրանի միջուկային ծրագրի վերաբերյալ բանակցային գործընթացին, որը գլխավորում է Միացյալ Նահանգները: Թուրքիայի և ԱՄՆ-ի նախագահները քննարկել են նաև համագործակցությունը «Իրաքի և Լևանտի իսլամական պետություն» ծայրահեղական իսլամիստական կազմակերպության դեմ պայքարում: