Հայաստանի ֆուտզալի հավաքականը պարտվեց առաջին խաղում

ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: Խորվաթիայի Դուբրովնիկ քաղաքում ավարտվեց Եվրոպայի ֆուտզալի 2016 թ. առաջնության հիմնական փուլի 6-րդ խմբի առաջին տուրի Սլովակիա-Հայաստան հանդիպումը: Հայաստանի հավաքականը պարտվեց 1:7 հաշվով: Սլովակների կազմում 3-ական գոլի հեղինակ դարձան Ռիկը և Դրահովսկին, մեկ գոլ խփեց Ռաֆաժը: Մեր թիմի խփած միակ գոլի հեղինակ դարձավ Հենրիկ Գրիգորյանը:

Առաջին տուրի մյուս խաղում կմրցեն տանտերերի՝ Խորվաթիայի և Թուրքիայի հավաքականները:

«Արմենպրես»-ի հաղորդմամբ, այս մասին տեղեկացնում է ՀՖՖ-ն:

Մարտի 19-ին տեղի կունենա մրցաշարի երկրորդ տուրի հանդիպումը, որում Հայաստանի հավաքականի մրցակիցը կլինի Խորվաթիայի հավաքականը: