Կարեն Ասրյանի անվան հուշամրցաշարի առաջատարը Ռոբերտ Հովհաննիսյանն է

ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: Շախմատային օլիմպիադային չեմպիոն Կարեն Ասրյանի անվան հուշամրցաշարի առաջատարը Ռոբերտ Հովհաննիսյանն է:

Ինչպես «Արմենպրես»-ի փոխանցեցին ՀՀ շախմատի ֆեդերացիայից, 4-րդ տուրից առաջատարՌոբերտ Հովհաննիսյանն ունի 4 միավոր: 3,5 միավոր ունի Լեւոն Բաղդասարյանը, իսկ 3-ական միավոր` Զավեն Անդրիասյանը, Արթուր Չիբուխչյանը, Հովհաննես Գաբուզյանը, Սամվել Տեր-Սահակյանը, Լեւոն Բաբուջյանը, Դավիթ Հարությունյանը եւ Հովիկ Հայրապետյանը:

Կարեն Ասրյանի հուշամրցաշարն անցկացվում է արդեն 6-րդ անգամ Ջերմուկ քաղաքում: Այս տարի մրցաշարին մասնակցում են 60 շախմատիստներ այդ թվում` գրոսմայստերներ Եվգենի Պոստնին (Իսրայել), Ալեքսանդր Ֆիերը (Բրազիլիա), Դավիթ Հարությունյանը (Վրաստան), Հրանտ Մելքումյանը, Զավեն Անդրիասյանը, Ռոբերտ Հովհաննիսյանը, Սամվել Տեր-Սահակյանը, Հովհաննես Գաբուզյանը, Տիգրան Քոթանջյանը, Արտաշես Մինասյանը, Հովիկ Հայրապետյանը, Լեւոն Բաբուջյանը, Արթուր Չիբուխչյանը, Լիլիթ Մկրտչյանը (Հայաստան):Այն մեկնարկել է հունիսի 16-ին: