2 րոպեի ընթերցում
ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: Կրիտիկական վիճակ Է ստեղծվել Չեխիայի խանութներում. անցյալ տարվա ընթացքում չեխերը գողացել են գրեթե 10 մլրդ չեխական կրոնի (մոտավորապես 4 միլիոն եվրո) ապրանք, հաղորդում Է «Արմենպրես»-ը՝ հղում անելով Չեխական ռադիոյին: «Սակայն, այս տվյալները վերաբերում են միայն խոշոր խանութներին, եթե հաշվի առնվեն նաեւ մանր առեւտրական կրպակները, ապա գումարը զգալիորեն ավելի մեծ կլինի»,-ասված Է հաղորդագրության մեջ:
Իրադրությունն ավելի Է վատացել այս տարվա հունվարի 1-ից հայտարարված համաներումից հետո, երբ ազատության մեջ հայտնվեցին բազմաթիվ դատապարտվածներ, որոնք համաներման Էին արժանացել Չեխիայի այն ժամանակվա նախագահ Վացլավ Կլաուսի կողմից: 2013 թվականի առաջին ամիսների ընթացքում կողոպուտների թվաքանակը, անցյալ տարվա համեմատությամբ, ավելացել Է երկու անգամ:
Չեխիայում գողանում են ոչ միայն նախկին քրեական հանցագործները: Հանցագործների թվում կան նաեւ «սովորական քաղաքացիներ», ներառյալ թոշակառուներ, ովքեր նախկինում իրավախախտումներ չեն կատարել: «Չեխիայում մարդիկ գողանում են, որովհետեւ տնտեսական ճգնաժամը եւ ցածր թոշակները նրանց հասցրել են թշվառ վիճակի»,-նշում Է Չեխական ռադիոն:
Գողությունների թվի ավելանալու կապակցությամբ Չեխիայի խանութները խստացնում են հսկողությունը, ինչն անխուսափելիորեն կբերի գների աճի: