1 րոպեի ընթերցում
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ:Թուրքիայի իշխանությունները որոշում են ընդունել թուրք-սիրիական սահմանի մի հատվածում կառուցել այսպես կոչված «անվտանգության պատ»: Ինչպես հաղորդում է «Արմենպրես»-ը` վկայակոչելով «Ինտերֆաքս»-ը, այս մասին հայտարարել է Թուրքիայի մաքսային եւ առեւտրի հարցերով նախարար Խայաթի Յազիջին հենց եթերում:
«Շուրջ 2.5 կմ երկարությամբ կառուցվելիք պատը կլինի Հաթայ նահանգում` Սիլվեգոզու շրջանում»,-պարզաբանել է նախարարը: Պատի վրա տեղադրված կլինեն վերահսկող տեսախցիկներ` արգելելու սիրիական կողմից անօրինական անցումը Թուրքիա:
Նախօրեին Անկարան մեկ ամսով սահմանափակել էր Սիրիայի կողմից տեղաշարժի հնարավորությունը թուրքական Ռեյհանլը քաղաքի շրջակայքում: