Իտալական RAI 3 հեռուստաընկերությունը «Հայաստան. անցյալի ստվերը» ֆիլմ է նկարահանել

ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Իտալական RAI 3 հեռուստաընկերությունը վավերագրական ֆիլմ է նկարահանել Հայաստանի մասին: «Հայաստան. անցյալի ստվերը» 16 րոպե տևողությամբ ֆիլմը պատմում է Հայոց ցեղասպանության, հայկական բազմադարյա պատմության և մշակույթի մասին:«Յուրաքանչյուր տարի ապրիլի24-ին հարյուր հազարավոր մարդիկ բարձրանում են մայրաքաղաք Երևանին նայող բլրի գագաթը` ոգեկոչելու Հայոց ցեղասպանության հիշատակի օրը և ծաղիկներ դնելու քսաներորդ դարի առաջին ցեղասպանության անմեղ զոհերի հուշարձանին: Ավելի քան մեկ միլիոն մարդ է սպանվել կոտորածների ժամանակ: Թուրքիան հրաժարվում է հայերի կոտորածը ցեղասպանությունճանաչել` չնայած Հայոց ցեղասպանությունը ճանաչող երկրների հարաճուն թվին»,-«Արմենպրես»-ի հաղորդմամբ`նշվում է ֆիլմում:

Միաժամանակ ներկայացվում է ներկայիս Հայաստանն իր ամենատարբեր դիմագծերով` առօրյա կենցաղից մինչև տնտեսություն, մշակույթ և քաղաքականություն:

Ֆիմի հեղինակներ Օլիվիերո Բերգամինին և Մարինո Կանչելլարին,Assadakh արաբա-իտալական կենտրոնի արտաքին հարաբերությունների պատասխանատու Թալալ Քրայսի հետ միասինՀայաստանում են եղելապրիլի 22-28-ը` այցելելով ԹՈՒՄՈ ստեղծարար տեխնոլոգիաների կենտրոն, «Արմենպրես» լրատվական գործակալություն, Սուրբ Էջմիածին, «Վերնիսաժ» տոնավաճառ,Հայոց ցեղասպանության թանգարան-ինստիտուտ, «Գաֆեսճէան» ժամանակաից արվեստի կենտրոն, Փարաջանովի թանգարան: Ֆիլմում հատվածներ են ներկայացվում Փարաջանովի «Նռան գույնը» կինոնկարից: Զրուցելով ամենատարբեր զբաղմունքի տեր մարդկանց հետ` ֆիլմի հեղինակները փորձել են հենց հայաստանցիների տեսանկյունից բացահայտել երկիրն ու ժողովրդին:

Բերգամինին և Կանչելլարին այցելել են նաև Խոր Վիրապ, ուր հեղինակը պատմական անդրադարձ է կատարում Հայաստանումքրիստոնեության տարածմանը և թե ինչպես հայերն առաջինը քրիստոնեությունն ընդունեցին որպես պետական կրոն:Ֆիմի ավարտին ներկայացվում է ջահերով երթը` Ծիծեռնակաբերդի հուշահամալիր: