368.53
50 մլն դոլար արժողությամբ թմրանյութերի խոշորագույն խմբաքանակն Է առգրավվել Թաիլանդում
1 րոպեի ընթերցում
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Թաիլանդի մայրաքաղաքում առգրավվել Է տեղի իրավապահների պրակտիկայում մետամֆետամինի խոշորագույն խմբաքանակը: Ինչպես մայիսի 21-ին հաղորդել Է Բանգկոի ոստիկանական ծառայությունը, դրա ընդհանուր արժեքը 50 մլն դոլար Է, տեղեկացնում Է «Արմենպրես»-ը:
Ըստ առկա տվյալների, բնակարաններից մեկում իրավակարգի պահապանները հայտնաբերել են վաճառքի պատրաստ 4,49 մլն դեղահաբ ու եւս ավելի քան 60 կիլոգրամ բյուրեղային նյութ: Թմրանյութը մաքսանենգ ճանապարհով բերվել Էր հարեւան Մյանմայից: Ոստիկանական գործողության ընթացքում ձերբակալվել են մի քանի զինված կասկածյալներ, այդ թվում՝ 16-ամյա մի պատանի:
Մետամֆետամինը հոգեխթանիչ Է, որը խիստ կախվածություն Է առաջացնում: Երկրների մեծ մասում այդ նյութի շրջանառությունն ու տարածումը օրենքից դուրս Է:
Բաժանորդագրվեք մեր ալիքին Telegram-ում