ՀՀ մինչև 17 տարեկանների ֆուտբոլի հավաքականը Հունգարիայում պատրաստվում է ընկերական հանդիպումների
1 րոպեի ընթերցում
ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Հայաստանի մինչև 17 տարեկանների ֆուտբոլի հավաքականը մայիսի 21-ից 24-ըՀունգարիայում մասնակցելու է ընկերական մրցաշարի: Հավաքականն արդեն մեկնել է Հունգարիա:
Ինչպես «Արմենպրես»-ին տեղեկացրին Հայաստանի ֆուտբոլի ֆեդերացիայից` մայիսի 20-ին Հունգարիայում տեղի կունենա մեր հավաքականի առաջին մարզումը, իսկ արդեն մայիսի 21-ին մեր հավաքականը կանցկացնի մրցաշարի առաջին հանդիպումը տանտերերի՝ Հունգարիայի հավաքականի հետ:
Ըստ մրցաշարի ամբողջական խաղացանկի` մայիսի 21-ին Սլովենիան կմրցի Շվեյցարիայի, իսկ Հունգարիան`Հայաստանի հետ: Մայիսի 22-ին մեր հավաքականի մրցակիցը կլինի Շվեյցարիան, մյուս զույգը կկազմեն Հունգարիան եւ Սլովենիան, վերջին խաղարկային օրը` մայիսի 24-ին, Հայաստանի մրցակիցը կլինի Սլովենիան, իսկ Հունգարիան կխաղա Շվեյցարիայի հետ: