368.53
Իտալացի ծույլ փոստատարն իր տանը 400 կգ նամակներ Էր թաքցրել
1 րոպեի ընթերցում
ԵՐԵՎԱՆ, 18 ՄԱՅԻՍԻ, ԱՐՄԵՆՊՐԵՍ: Իտալիայի Սարդինիա կղզում ոստիկանությունը 400 կիլոգրամ նամակ Է հայտնաբերել տեղացի փոստատարի տանը, որը վերջին մի քանի տարում ծուլացել Է նամակները հասցնել հասցեատերերին, հաղորում Է «Արմենպրես»-ը՝ վկայակոչելով տեղական զանգվածային լրատամիջոցները:
Տեղի բնակիչներն արդեն վաղուց Էին գանգատվում ոստիկանությանը, որ հարյուրավոր կարեւոր փաստաթղթեր են կորչում՝ չհասնելով հասցեատերերին, France-Presse գործակալությանը պատմել Է Մորես քաղաքի ոստիկանության ներկայացուցիչ Ջիանի դի Կառլոն:
Ոստիկանությունը որոշել Է այցելել փոստի աշխատակցին, եւ նրա տան ավտոտնակում հայտնաբերել Է տեղ չհասցված նամակների պահեստը: Ծրարներից մի քանիսը թվագրված են եղել 2009 թվականով: Տեղի հյուրանոցի տիրոջ խոսքով՝ փոստատարը, որի անունը չի հայտնվում, սիրում Էր գիշերային հավաքույթներ կազմակերպել եւ խմել: «Գուցե այս պատճառով Էր նա այդքան ծույլ»,- իր ենթադրություններն Է հայտնել գործակալությանը հյուրանոցի տերը: Փոստատարն ինքը քննիչներին չի կարողացել բացատրել, թե ինչու Է իր մոտ թողել վիթխարի քանակությամբ փոստը:
Այժմ դատախազությունը նրան մեղադրում Է նամակների գողության մեջ, տղամարդուն սպառնում Է մինչեւ երեք տարվա բանտարկություն:
Բաժանորդագրվեք մեր ալիքին Telegram-ում