Թոնի Այոմին կրկին կոչ է արել քվեարկել «Դորիանս»-ի օգտին

ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: ԱնգլիականBlack Sabbath աշխարհահռչակ ռոք խմբի կիթառահար Թոնի Այոմին կրկին կոչ է արել «Եվրատեսիլ 2013» երգի մրցույթի եզրափակչում քվեարկել Հայաստանը ներկայացնող «Դորիանս» խմբի օգտին: «Արմենպրես»-ի հաղորդմամբ` նա իր պաշտոնական էջում գրել է. «Շնորհավորում եմ իմ ընկերներին` «Դորիանս»-ին` մրցույթի եզրափակիչ փուլ անցնելու կապակցությամբ: Շնորհակալություն բոլոր նրանց, ովքեր աջակցել են «Դորիանս»-ին: Մի մոռացեք, մենք ձեր օգնության կարիքը կրկին ունենք շաբաթ օրը: Թոնի»:

Մայիսի 18-ի եզրափակիչ համերգին «Դորիանս» ռոք խումբը կներկայանա 12-րդ համարի ներքո: Թոնի Այոմին «Մենք մեկ ենք» ( We are one)կարգախոսի ներքոընթացող միջազգային մրցույթում «Դորիանս»-ի Lonely planet երգի երաժշտության հեղինակն է: Նա աջակցման կոչով հանդես է եկել նաեւ կիսաեզրափակչից առաջ: Խոսքերը գրել է Վարդան Զադոյանը: Հայաստանը եզրափակչում կմրցի եւս 25 երկրների ներկայացուցիչների հետ: «Դորիանս»-ի մենակատարը Գոռ Սուջյանն է, ում հաջողվեց մայիսի 16-ի կիսաեզրափակչում տպավորիչ ելույթ ունենալ: