Արոնյանը ոչ ոքի խաղաց Նիկիտա Վիտյուգովի հետ. Ալյոխինի մրցաշար

ԵՐԵՎԱՆ, 29 ԱՊՐԻԼԻ, ԱՐՄԵՆՊՐԵՍ: Ալյոխնի հուշամրցաշարի 7-րդ տուրում, ոը տեղի է ունենում Սանկտ Պետերբուրգի պետական թանգարանում, Հայաստանի հավաքականի առաջատար Լևոն Արոնյանը ոչ ոքի ավարտեց հանդիպումը ռուս Նիկիտա Վիտյուգովի հետ: Ինչպես հաղորդում է «Արմենպրես»-ը` պարտիան ավարտվել է 41-րդ քայլում:

Այս տուրի շրջանակներում Անանդը մրցում է Ֆրեսինենի, Ադամսը` Վաշիեյի Լագրավի, Գելֆանդը` Դին Լիրենի, իսկ Սվիդլերը` Կրամնիկի հետ:

4,5 միավորով առաջատարը ֆրանսիացի Մաքսիմ Վաշյե-Լագրավն է, նրան 4-ական միավորով հետևում են Մայքլ Ադամսը և Լևոն Արոնյանը:

Ալյոխինի մրցաշարն իր բնույթով յուրօրինակ է, քանի որ անցկացվում է եւ Ռուսաստանի հյուսիսային մայրաքաղաքում, եւ Փարիզում: Մրցաշարի առաջին հինգ տուրերն անցկացվում են Փարիզում, իսկ մյուս տուրերը կկայանան` Սանկտ Պետերբուրգում:

Մրցաշարին մասնակցում են Լեւոն Արոնյանը (Հայաստան), Վիշվանաթան Անանդը (Հնդկաստան), Դինգ Լիրենը (Չինաստան), Մայքլ Ադամսը (Անգլիա), Լորեն Ֆրենսինը (Ֆրանսիա), Վլադիմիր Կրամնիկը (Ռուսաստան), Պետեր Սվիդլերը (Ռուսաստան), Նիկիտա Վիտյուգովը (Ռուսաստան), Բորիս Գելֆանդը (Իսրայել) եւ Մաքսիմ Վաշե-Լագրավը (Ֆրանսիա): Մրցաշարը մեկնարկել է ապրիլի 21-ից եւ կշարունակվի մինչեւ մայիսի 1-ը: