1 րոպեի ընթերցում
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Արգենտինական «Բոկա Խունիոս» ֆուտբոլային ակումբը ազգային առաջնության հերթական տուրում խաղի մեկնարկից առաջ պաստառ է բարձրացրել` նվիրված Հայոց ցեղասպանության զոհերի հիշատակին:
«Արմենպրես»-ի հաղորդմամբ, Արգենտինայի առաջնության «Բոկա Խունիոս»-«Բելգրանդո դե Կորդոբա» խաղից առաջ «Բոկա Խունիոս» թիմի երիտասարդների ներկայացրած պաստառի վրա գրված է եղել. «Եկեք բոլորս հիշենք Հայոց ցեղասպանությունը»:
Այս ակցիան կազմակերպվել է արգենտինահայ համայնքի կողմից` Հայոց ցեղասպանության 98-րդ տարելիցի կապակցությամբ: