368.53
ԱՄՆ-ի երիտասարդ հայերը Հայոց ցեղասպանության 98-րդ տարելիցի առթիվ քայլերթ կիրականացնեն անապատում
1 րոպեի ընթերցում
ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: ԱՄՆ Կալիֆորնիա նահանգի Պըրպենք քաղաքի Հայաստանյան եկեղեցիների երիտասարդական կազմակերպության ներկայացուցիչները Հայոց ցեղասպանության 98-րդ տարելիցի կապակցությամբ հայտարարել են ապրիլի 23-ին կիզիչ անապատում քայլելու իրենց մտադրության մասին: Ինչպես հաղորդում է «Արմենպրես»-ը, այս մասին տեղեկացնում է Asbarez.com-ը:
Երիտասարդները հայտնել են, որ իրենց քայլարշավն ունի երկու նպատակ: Նախ` ավելի խորը կերպով փորձել ըմբռնել Հայոց ցեղասպանության զոհերի տառապանքները` գիշերելով անապատում: Այնուհետև երիտասարդները նպատակ ունեն նվիրահավաք կատարել` օժանդակելու Հայաստանում մի շարք երիտասարդական ծրագրերի իրականացմանը` ուղղված հայ ինքնության պահպանմանը:
Կարդացեք հոդվածը` English
Բաժանորդագրվեք մեր ալիքին Telegram-ում