Նախագահը հրամանագրեր է ստորագրել Մեքսիկայում, Ինդոնեզիայում եւ Շվեդիայում ՀՀ դեսպանություններ ստեղծելու մասին

ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ: Նախագահ Սերժ Սարգսյանը հրամանագրեր է ստորագրել Մեքսիկայի Միացյալ Նահանգներում, Շվեդիայի Թագավորությունումեւ Ինդոնեզիայի ՀանրապետությունումՀՀ դեսպանություններ ստեղծելու մասին:Ինչպես «Արմենպրես»-ին տեղեկացրին ՀՀ նախագահի աշխատակազմի հասարակայնության եւ տեղեկատվության միջոցների հետ կապերի վարչությունից, որոշումների համար հիմք է ընդունվել «Դիվանագիտական ծառայության մասին» Հայաստանի Հանրապետության օրենքի 10-րդ հոդվածի 1-ին մասը:

Մեքսիկայի Միացյալ Նահանգներում Հայաստանի Հանրապետության դեսպանության նստավայրը Մեխիկոն է, Ինդոնեզիայի Հանրապետությունում` Ջակարտան, իսկ Շվեդիայի Թագավորությունում` Ստոկհոլմը: