368.45
Յուրա Մովսիսյանը մեծ ակնկալիքներ ունի Չեխիայի ընտրանու հետ առաջիկա խաղից
1 րոպեի ընթերցում
ԳՅՈՒՄՐԻ, 22 ՄԱՐՏԻ, ԱՐՄԵՆՊՐԵՍ: Հայաստանի ֆուտբոլի ազգային հավաքականի հարձակվող, Մոսկվայի «Սպարտակ»-ի ֆուտբոլիստՅուրա Մովսիսյանը մեծ հույսեր ունի Չեխիայի դեմ արժանի հանդիպում անցկացնելու հարցում:
«Արմենպրես»-ի փոխանցմամբ, այս մասին Մովսիսյանը Գյումրիում ասաց լրագրողների հետ ճեպազրույցի ժամանակ: «Մեծ հույսերով ենք սպասում չեխերի հետ այդ խաղին: Տղաներից յուրաքանչյուրը պատրաստ է դրան: Բոլորը շատ լավ գիտակցում են, թե ինչ հանդիպում է մեզ սպասվում»,- ասաց ֆուտբոլիստը:
Ազգային հավաքականի հարձակվողի խոսքով, ազգային թիմի յուրաքանչյուր ֆուտբոլիստ պետք է խաղա իր լավագույն խաղը, եւ նշանակություն չունի, թե ում հետ է մրցում:«Եթե սկսենք ուշադրություն դարձնել նրանց ուժեղ կամ թույլ կողմերին, կմոռանանք մեր ուժերի մասին»,- ավելացրեց Մովսիսյանը:
Ֆուտբոլի աշխարհի առաջնության ընտրական փուլի շրջանակում Հայաստանի ֆուտբոլի ազգային հավաքականը մարտի 26-ին կհյուրընկալի Չեխիայի հավաքականին: Հանդիպումը կկայանա Վազգեն Սարգսյանի անվան «Հանրապետական» մարզադաշտում:
Բաժանորդագրվեք մեր ալիքին Telegram-ում