Գերմանիայում կաթի մեջ թունավոր նյութեր են հայտնաբերվել

ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: Գերմանիայի Հյուսիսային Հռենոս- Վեսթֆալիա երկրամասի մի շարք գյուղական տնտեսություններում կաթի մեջ թունավոր նյութեր են հայտնաբերվել: Ինչպես տեղեկացնում է«Արմենպրես»-ը` վկայակոչելով Itar Tass-ը, հաստատություններից մեկում էլ նման նյութերի առավելագույն թույլտվությունը գերազանցվել է 2 անգամ: Այժմ ստուգվում է`արդյոք թունավոր մթերքը հանվե՞լ է վաճառքի, իսկ առաքման վրա ժամանակավոր արգելք է դրվել:

Կաթի մեջ թույներ են հայտնաբերվել նաեւ մի շարք քաղաքներում, սակայն դրանք չեն գերազանցել թույլատրելիի սահմանը:

Գերմանիայի Գյուղատնտեսության նախարարությունում կարծում են, որ կաթի մեջ այդ թույների առկայության պատճառը Սերբիայից Գերմանիա ներմուծվող եգիպտացորենն է, որով կերակրվում են կովերը: