368.45
Թուրքմենիայից Երեւան է ժամանելու 107 հոգանոց մշակութային պատվիրակություն
1 րոպեի ընթերցում
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: Թուրքմենստանի նախագահ Գուրբանգուլի Բերդիմուհամեդովի` Հայաստան կատարելիք պաշտոնական այցի շրջանակում Երեւան է ժամանելու Թուրքմենստանի մշակույթի նախարար Գունչա Մամեդովայի ղեկավարած 107հոգուց բաղկացած մշակութային պատվիրակությունը:
Ինչպես «Արմենպրես»-ին տեղեկացրին ՀՀ մշակույթի նախարարության հասարակայնության հետ կապերի բաժնից, մշակութային ծրագրի շրջանակում ՀՀ մշակույթի նախարար Հասմիկ Պողոսյանը եւ Թուրքմենստանի փոխվարչապետ Սապարդուրդի Տոյլիեւընոյեմբերի 28-ին` ժամը 18:30-ին, Արամ Խաչատրյանի անվան համերգասրահում ներկայացնելու են Թուրքմենստանի նախագահ Գուրբանգուլի Բերդիմուհամեդովի հեղինակած «Երկնային նժույգների թռիչքը», «Թուրքմենստան» եւ «Թուրքմենստանն՝ առողջարանային երկիր» գրքերի հայերեն թարգմանությունները:
Շնորհանդեսին հաջորդելու է հայ-թուրքմենական ազգային երգ-երաժշտության համերգը՝ Հայաստանի եւ Թուրքմենստանի արվեստի անվանի վարպետների մասնակցությամբ: Համերգասրահի ցուցասրահում զուգահեռաբար բացվելու է նաեւ թուրքմենական ժողովրդական արվեստի գործերի, ազգային տարազների եւ Թուրքմենստանը ներկայացնող պաստառների ցուցահանդես:
Բաժանորդագրվեք մեր ալիքին Telegram-ում