368.53
Զարգացման եվրասիական բանկի աշխատակիցներն էկոլոգիական վերահսկողության տակ են վերցրել Հրազդանի կիրճը
1 րոպեի ընթերցում
ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: Զարգացման եվրասիական բանկը սեպտեմբերի 5-ին անցկացրեց էկոլոգիական վերահսկողությունՀրազդանի կիրճում`եզակի մշակութային ժառանգության պահպանման նպատակով: Այստեղ բանկի աշխատակիցները կարգի են բերել տարածքը:
«Սա Հայաստանում բանկի անցկացրած առաջին ակցիան էր, եւ մենք մտադիր ենք անցկացնել այն նաեւ ապագայում:Եթե մյուս բոլոր կազմակերպությունները հետեւեն մեր օրինակին, արդյունքը կլինի շոշափելի: Համագործակցության համար մենք շնորհակալություն ենք հայտնում Հայաստանում Ղազախստանի դեսպանության աշխատակացիներին, ովքեր անարձագանք չեն թողել մեր հրավերը եւ մասնակցել են այսօրվա ակցիային»,-նշել է Զարգացման եվրասիական բանկի նախագահ Սերգեյ Ելիզարովը:
Զարգացման Եվասիական բանկը միջազգային ֆինանսական կազմակերպություն է, որը ստեղծվել է` խթանելու անդամ-պետությունների շուկայական տնտեսությունների զարգացումը, դրանց կայուն տնտեսական աճը եւ առեւտրատնտեսական կապերի ընդլայնումը:
Բանկի անդամ-երկրներն են Ռուսաստանը, Հայաստանը, Ղազախստանը, Տաջիկստանը, Բելառուսը եւ Ղրղզստանը:
Բաժանորդագրվեք մեր ալիքին Telegram-ում