ՀՀ ԱՆ-ում թեժ գիծ է բացվել սիրիահայերին օգնելու համար

ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ արդարադատության նախարարությունում բացվել է թեժ գիծ` Հայաստան ժամանած սիրիահայերին օգնելու համար: Ինչպես«Արմենպրես»-ին տեղեկացրին ՀՀ արդարադատության նախարարությունից, քաղաքացիական կացության ակտերի գրանցման (ծնունդ, ամուսնություն, մահ, ամուսնալուծություն, որդեգրում, հայրության որոշում, անվանափոխություն, ապոստիլ), իրավաբանական անձանց պետռեգիստրի, նոտարական գործողությունների կատարմանն առնչվող և, ընդհանրապես, ՀՀ արդարադատության նախարարության իրավասությանը վերապահված հարցերի վերաբերյալ խորհրդատվություն ստանալու նպատակով սիրիահայերը կարող են զանգահարել նախարարության թեժ գծին՝ 35-83-99 հեռախոսահամարով: