1 րոպեի ընթերցում
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: ԱՄՆ-ի Հյուսիսային Կարոլինայի նահանգի ընտրացուցակներում ընդգրկված են առնվազն 30 հազար հանգուցյալների անուններ: Ինչպես հաղորդում Է «Արմենպրեսը», հղում անելով Charlotte Observer հրատարակությանը, այս տվյալները նահանգի իշխանություններին ներկայացրել են մի խումբ անկախ դիտորդներ:
«Հանուն արդար քվեարկության» նախագիծը, որը ոչ առեւտրային Է եւ չի վերահսկվում որեւԷ քաղաքական կուսակցության կողմից, ընտրացուցակները համեմատել Է նահանգում մահացածների թվաքանակին վերաբերող տվյալների հետ, որոնք տրամադրել Է առողջապահության դեպարտամենտը:
Նախագծի ղեկավարը թերթին հայտարարել Է, որ, որպես կանոն, ընտրացուցակներում հանգուցյալների առկայությունը բացատրվում Է պաշտոնյաների թույլ տված սխալներով: Օրինակ, մահացած մարդը որդի ունի նույն անունով, բայց «կրտսեր» հավելումով, իսկ ցուցակներում «կրտսեր» բառը բացակայում Է եւ ստացվում Է, որ մարդը, ասես, քվեարկում Է իր հոր փոխարեն: Նրա խոսքով՝ նման սխալները խախտումների հնարավորություն են ստեղծում ընտրությունների ընթացքում, քանի որ, նահանգի օրենքների համաձայն, քվեարկության ժամանակ ընտրողները պարտավոր չեն փաստաթուղթ ներկայացնել լուսանկարով: