Մերսման սեանսը, որին մասնակցել Է ավելի քան հազար մարդ, գրանցվել Է Գինեսի ռեկորդների գրքում

ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Թաիլանդի իշխանությունները կազմակերպել են միաժամանակյա մերսման սեանս, որին մասնակցել Է 1282 մարդ: Այդ մասին, ինչպես տեղեկացնում Է «Արմենպրես»-ը, օգոստոսի 30-ին հաղորդել Է «Ֆրանսպրես» գործակալությունը:

Այս արդյունքը գրանցվել Է Գինեսի ռեկորդների գրքում: Նախորդ ռեկորդը սահանվել Էր 2010 թվականին Ավստրալիայում: Այն ժամանակ մերսման սեանսին մասնակցել Էր 526 մարդ: Այս թվերը ներառում են թե՛ մերսողներին եւ թե՛ նրանց, ում մերսել են:

Իշխանությունները միջոցառումը կազմակերպել են, որպեսզի վերադարձնեն զբոսաշրջիկների համար Թաիլանդի գրավչությունը, որը նա մասնակիորեն կորցրել Է հեղեղումների, քաղաքական անկարգությունների եւ անվտանգության պատշաճ մակարդակի բացակայության պատճառով: