Հայաստանի հարավում կրկին զգացվել են Իրանի երկրաշարժի հետցնցումները

ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ: Իրանի Թավրիզ քաղաքից 47 կմ դեպի հյուսիս-արևելք ու Ահար քաղաքից 40 կմ դեպի արևմուտք այս գիշեր արձանագրվել են երկրաշարժի երկու հետցնցումներ: Ինչպես«Արմենպրես»-ին տեղեկացրին ՀՀ արտակարգ իրավիճակների նախարարությունից, հետցնցման ուժգնությունն էպիկենտրոնում կազմել է 4.2 մագնիտուդ: Հիպոկենտրոնը գտնվում է 15.2 կմ խորության վրա է:

Իրանի երկրաշարժի հետցնցումները զգացվել են նաև Հայաստանի հարավում, մասնավորապես Կապան քաղաքում:

Իրանի տարածքում օգոստոսի 11-ին` ժամը 16.23-ին, Ահար քաղաքից 16-կմ դեպի հյուսիս-արեւմուտքգրանցվել է 6.6 մագնիտուդով երկրաշարժ, որի ուժգնությունն էպիկենտրոնային գոտում կազմել է 9 բալ, երկրաշարժը գրանցվել է նաեւ ՀՀ տարածքում` Ագարակ, Մեղրի, Քաջարան, Կապան, Գորիս քաղաքներում` 4.5 բալ ուժգնությամբ, իսկ Երեւան քաղաքում` 3-4 բալ: