Ֆիլիպինների ՆԳ նախարարին փոխադրող ինքնաթիռն ընկել Է ծովը

ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Ֆիլիպիններում վթարային վայրԷջք կատարելիս ծովն Է ընկել Cessna թեթեւ ինքնաթիռը, որտեղ գտնվում Էր երկրի ներքին գործերի նախարար Ջեսսի Ռոբրեդոն, հաղորդում Է «Արմենպրես»-ը՝ հղում անելով Associated Press գործակալությանը:

Ավիաաղետը տեղի Է ունեցել Մասբատե նահանգում՝ տեղական օդանավակայանից ոչ հեռու, որտեղ վթարային վայրԷջք Էր խնդրել Cessna-ի օդաչուն: Ինչպես նշում Է Inquirer.net-ը, Ռոբրեդոյից բացի, օդանավում Էին գտնվում Մասբատեի ոստիկանության ներկայացուցիչ Էդմունդո Վիտերբոն, երկու օդաչուները եւ նախարարի օգնական Հուն Աբրազադոն

Ռոբրեդոյի օգնականին հաջողվել Է դուրս նետվել ինքնաթիռից, նրան ողջ են գտել: Cessna-ի մնացած ուղեւորների մասին տեղեկություններ չեն ստացվել:

Ջեսսի Ռոբրեդոն ներքին գործերի եւ տարածաշրջանային կառավարման նախարարի պաշտոնն զբաղեցնում Էր 2010 թվականից: