1 րոպեի ընթերցում
ԵՐԵՎԱՆ, 9 ՕԳՈՍՏՈՍԻ, ԱՐՄԵՆՊՐԵՍ: Օգոստոսի 9-ին Վրաստանի Էներգահամակարգում տեղի Է ունեցել վթար, ինչի հետեւանքով հանրապետության մայրաքաղաքը լիովին հոսանքազրկվել Է: Այս մասին հաղորդում Է «Արմենպրես»-ը՝ հղում անելով «Նովոստի-Գրուզիա»-ին:
Առանց Էլեկտրականության Է մնացել, մասնավորապես, մետրոն: Սակայն, ինչպես նշում Է գործակալությունը, «գնացքները կարողացել են վթարային միացմամբ հասնել մինչեւ կայարաններ, եւ բոլոր ուղեւորները դուրս են բերվել մետրոյից առանց պատահարների»:
«Ինտերֆաքս»-ն, իր հերթին, պնդում Է, որ վթարի պատճառով հոսանքազրկվել են երկրի գրեթե բոլոր տարածաշրջանները (ներառյալ մայրաքաղաքը): «Վրաստանի պետական Էլեկտրահամակարգ» բաժնետիրական ընկերությունում հայտարարել են, որ պատահածի պատճառները պարզվում են:
Ըստ «Նովոստի-Գրուզիա»-ի տեղեկությունների՝ մայրաքաղաքում ԷլեկտրաԷներգիայի մատակարարումն արդեն սկսել են վերականգնել: