1 րոպեի ընթերցում
ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ: Տաջիկստանում սկսվել Է ուժային կառույցների ստորաբաժանումների դուրսբերումը Խորոգ քաղաքից, որտեղ անցյալ շաբաթ լայնընդգրկուն հատուկ գործողություն Է իրականացվել գրոհայինների դեմ: Այս մասին հաղորդում Է «Արմենպրես»-ը՝ վկայակոչելով «Ազիա-Պլյուս» գործակալությունը:
Ինչպես պատմել Է ուժային կառույցների մի աղբյուր, օգոստոսի 1-ին Խորոգից Դուշանբե Է վերադարձել Կոռուպցիայի դեմ պայքարի գործակալության սպաների եւ Թմրադեղերի վրահսկողության գործակալության սպաների խումբը: Կառավարական ուժերի դուրսբերման գործընթացն օգոստոսի 2-ին շարունակվում Է: «Բայց հակամարտության գոտուց այնտեղ ուղարկված ուժերի եւ միջոցների լրիվ դուրսբերման մասին խոսելն առայժմ վաղ Է»,- ընդգծել Է աղբյուրը:
Նրա խոսքով՝ գործողությունը կարելի կլինի ավարտված համարել այն բանից հետո, երբ գրոհայինները կհանձնեն ամբողջ եղած զենքը, ինչպես նաեւ իշխանություններին կհանձնեն վերջերս կատարված սպանության մեջ կասկածվող Աբդուլո Նազարովին: