Բոբ Դիլանը հայտարարել Է նոր ստուդիական ալբոմի լույսընծայման մասին

ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Բոբ Դիլանը հայտարարել Է հերթական ստուդիական ալբոմի անվանումը եւ լույսընծայման ժամկետը: Ինչպես տեղեկացնում Է «Արմենպրես»-ը, սկավառակի մասին տեղեկատվությունը հրապարակված Է կատարողի պաշտոնական կայքում:

Սկավառակը կանվանվի “Tempest” եւ վաճառքի կհանվի 2012 թվականի սեպտեմբերի 10-ին (ԱՄՆ-ում՝ սեպտեմբերի 11-ին): Ալբոմի համար գրված երգերի պրոդյուսերը Դիլանն ինքն Է, սակայն սկավառակի ծալաթերթիկում նա ներկայանում Է Ջեք Ֆրոստ կեղծանվամբ: Նույն անունն Է նշված նաեւ կատարողի մի քանի նախորդ սկավառակների կազմերին:

Դիլանի նոր ալբոմն ընդհանուր առմամբ կընդգրկի ինը կոմպոզիցիա: Լրիվ թրեք-թերթն ունի հետեւյալ տեսքը.

1. "Duquesne Whistle"
2. "Soon After Midnight"
3. "Narrow Way"
4. "Long and Wasted Years"
5. "Pay In Blood"
6. "Scarlet Town"
7. "Early Roman Kings"
8. "Tin Angel"
9. "Tempest"
10. "Roll On John".

“Tempest”-ը Բոբ Դիլանի արդեն 35-րդ տեւանվագ ձայնասկավառակն Է: Ուշագրավ Է, որ դրա ռելիզը համընկնում Է կատարողի ստեղծագործական գործունեության 50-ամյակի հետ: Նրա դեբյուտային ալբոմը՝ “Bob Dylan”-ը, թողարկվել Է 1962 թվականի մարտին: