368.53
Հայաստանը ՀՆԱ 5-7 տոկոս աճ է նախատեսում ապահովել
1 րոպեի ընթերցում
ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: Հայաստանի Հանրապետությունը զարգացած երկրների համեմատ տնտեսական աճի առաջանցիկ տեմպեր է նախատեսում ապահովել առաջիկա հինգ տարիների ընթացքում` համախառն ներքին արդյունքում գրանցելով 5-7 տոկոս աճ: «Արմենպրես»-ի հաղորդմամբ, հունիսի 18-ին ՀՀ կառավարության արտահերթ նիստի ժամանակ այս մասին հայտարարեց ՀՀ վարչապետ Տիգրան Սարգսյանը: Կառավարության 2012-2017 թվականների ծրագիրը ներկայացնելով` վարչապետը նշեց, որ այն հիմնված է լինելու երեք գերակայությունների վրա` տնտեսության մրցունակության բարձրացում, մարդկային կապիտալի զարգացում, ինստիտուցիոնալ կարողությունների զարգացում: Վարչապետը կարեւորեց հատկապես հարկային, մաքսային եւ մրցակցության պաշտպանության համակարգերի ձեւավորում, որի պայմաններում ՀՀ օրենսդրությունը հավասարաչափ ու անվերապահորեն կկիրառվի բոլոր տնտեսավարողների նկատմամբ:
Ծրագրով նախատեսվում է նաեւ տարածքային համաչափ զարգացում, որակյալ կրթական, առողջապահական ու մշակութային ծառայությունների մատչելիության ապահովում եւ այլն:
Բաժանորդագրվեք մեր ալիքին Telegram-ում