1 րոպեի ընթերցում
ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Մարտի 8-ի կանանց տոնի կապակցությամբ Հայաստանի Հանրապետության կառավարությունը 2012 թվականի մարտի 9-ի աշխատանքային ուրբաթ օրը կտեղափոխվի մարտի 17-ը` շաբաթ օր: Ինչպես հաղորդում է «Արմենպրես»-ը` վկայակոչելով կառավարության կայքէջը, այս մասին հարցը գործադիրը կքննարկի փետրվարի 23-ի իր նիստում` հիմք ընդունելով «ՀՀ տոների և հիշատակի օրերի մասին» Հայաստանի Հանրապետության օրենքի 19-րդ հոդվածը:
«Աշխատանքային օրը տեղափոխելու մասին» ՀՀ կառավարության որոշման նախագծի ընդունումը պայմանավորված է Կանանց տոնի կապակցությամբ տոնական օրերին քաղաքացիների հանգիստը կազմակերպելու անհրաժեշտությամբ: