1 րոպեի ընթերցում
ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Ֆրանսահայ կազմակերպությունների համակարգող խորհուրդը փետրվարի 26-29-ը կազմակերպում է մի շարք միջոցառումներ` նվիրված սումգայիթյան ջարդերին զոհ գնացած ադրբեջանահայության հիշատակին: Ինչպես «Արմենպրես»-ին տեղեկացրին խորհրդից, փետրվարի 26-ին զոհերի հիշատակին նվիրված պատարագ կմատուցվի Փարիզի Սուրբ Հովհաննես Մկրտիչ հայկական առաքելական եկեղեցում: Նույն օրը Փարիզի Երևանի պարտեզի հարևանությամբ գտնվող Կոմիտասի հուշարձանին ծաղկեպսակներ կդրվեն, տեղի կունենա հիշատակի միջոցառում:
Փետրվարի 27-ի երեկոյան Փարիզի 9-րդ թաղամասի քաղաքապետարանում տեղի կունենա հանրահավաք, որին կմասնակցի Լեռնային Ղարաբաղի Հանրապետության մշակույթի նախարար Նարինե Աղաբալյանը:
«Խաղաղություն Ղարաբաղին» միջոցառումների շրջանակում փետրվարի 29-ին Ֆրանսիայի Ազգային ժողովում տեղի կունենա «Ճշմարտություն և կեղծիք» խորագրով հանդիպում-քննարկում: