1 րոպեի ընթերցում
ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: ՀՀ գլխավոր դատախազ Աղվան Հովսեփյանը փետրվարի 22 –ին ընդունել է Եվրոպայի անվտանգության եւ համագործակցության կազմակերպության (ԵԱՀԿ) երևանյան գրասենյակի ղեկավար, դեսպան Անդրեյ Սորոկինին: Ինչպես «Արմենպրես»-ին տեղեկացրին դատախազությունից` ողջունելով ԵԱՀԿ-ի գրասենյակի նորանշանակ ղեկավարին` գլխավոր դատախազը նրան հաջողություն է մաղթել իր նոր առաքելության մեջ:
«ԵԱՀԿ Երեւանյան գրասենյակի հետ ձեւավորվել են համագործակցության լավ ավանդույթներ եւ հուսով եմ դրանք կշարունակվեն ի շահ ժողովրդավարական ինստիտուտների զարգացման եւ մարդու իրավունքների պաշտպանության»,- նշել է ՀՀ գլխավոր դատախազը:
Կողմերը բարձր են գնահատել համագործակցության մակարդակը եւ նախանշել համագործակցությունը զարգացնելու նոր ոլորտներ: