368.45
Սահմանային կառավարման հարցում Հայաստանը եւ ԵՄ-ն ամրապնդում են համագործակցությունը
2 րոպեի ընթերցում
ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Պետական սահմանի կառավարման գործում Հայաստանը առաջնային դիրքեր է գրավում` նորարարական փորձի ներդրման իմաստով: Ինչպես հաղորդում է «Արմենպրես»-ը, փետրվարի 22-ին ՀՀ ազգային անվտանգության խորհրդի եւ Եվրոպական միության անդամ երկրների արտաքին սահմաններում գործառնական համագործակցության կառավարման եվրոպական գործակալության միջեւ կնքվեց աշխատանքային համաձայնագիր: «Այս համաձայնագիրը հնարավորություն է տալիս խորացնել համագործակցությունը Հայաստանի եւ ԵՄ միջեւ, ինչպես նաեւ միջազգային լավագույն փորձի փոխանակում ԵՄ Կանաչ գրքի պահանջներին համապատասխան ժամանակակից սահմանային ենթակառուցվածների գործունեություն, համատեղ օպերացիաների իրականացում, տեխնիկական վերազինում»,-ասաց ԱԱԽ քարտուղար Արթուր Բաղդասարյանը: Նա նշեց, որ քննարկվել է նաեւ Հայաստանում կադրերի վերապատրաստման տարածաշրջանային ենթակառուցվածք ստեղծելու խնդիրը, որը մշտապես բարձր որակավորման մեջ կպահի պետական սահմանին առնչվող բոլոր պետական մարմինները:
ԵՄ անդամ երկրների արտաքին սահմաններում գործառնական համագործակցության կառավարման եվրոպական գործակալության գործադիր տնօրեն Իլկա Լայտինեն ավելացրեց, որ համաձայնագրի ստորագրումը շատ արագ էր եւ արդյունավետ: «Այս համաձայնագրի ստորագրմանը կհետեւի գործողությունների ծրագրի մշակում` տեղեկատվության, փորձի փոխանակում, վերապատրաստումներ, համատեղ վերլուծություններ»,-ասաց Լայտինեն:
Բաժանորդագրվեք մեր ալիքին Telegram-ում