Ավտովթարից տուժել են վարորդներն ու անցորդը

ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ:«Մերսեդես-Բենց» մակնիշի ավտոմեքենան փետրվարի 21-ին ժամը 04.30-ինՇինարարների և Աբելյան փողոցների խաչմերուկում բախվել է բենզալցակայանի պատին: Ինչպես «Արմենպրես»-ին տեղեկացրին ՀՀ ոստիկանությունից, վարորդը մարմնական վնասվածքներով տեղափոխվել է հիվանդանոց: Նույն օրը`ժամը 17.00-ին, «Ֆորդ Տրանզիտ» մակնիշի ավտոմեքենան Մասիս քաղաքի Արարատյան փողոցում բախվել է «ՎԱԶ-2108» մակնիշի ավտոմեքենայի, ինչի հետևանքով վարորդը մարմնական վնասվածքներով տեղափոխվել է հիվանդանոց:

Փետրվարի 22-ին` ժամը 02.30-ի սահմաններում, «Մերսեդես» մակնիշի ավտոմեքենան Երևան-Գյումրի ճանապարհի 117 կմ-ին դուրս է եկել ճանապարհի բանուկ մասից և ընկել ճամփեզրյա դաշտը:Վարորդը մարմնական վնասվածքներով տեղափոխվել է հիվանդանոց:

Նախօրեին` ժամը 15.00-ին, «Դեու-Մատիզ» մակնիշի ավտոմեքենան Երևանի Տերյան փողոցի թիվ 62/Ա շենքի մոտ վրաերթի է ենթարկել մի տղամարդու, ով մարմնական վնասվածքներով տեղափոխվել է հիվանդանոց:

Բոլոր դեպքերում կատարվում է քննություն: