Վրաստանում հուսով են ՆԱՏՕ-ի անդամ դառնալ` չնայած Աբխազիայի եւ Հարավային Օսիայի հիմնախնդրի առկայությանը
1 րոպեի ընթերցում
ԿԻԵՎ, 13 ՓԵՏՐՎԱՐԻ, ԱՐՄԵՆՊՐԵՍ: Վրաստանի փոխվարչապետ. եվրաինտեգրացման հարցերի նախարար Գեորգի Բարամիձեն վստահ է, որ Վրաստանը կանդամագրվի ՆԱՏՕ-ին՝ նույնիսկ չնայած Աբխազիայի եւ Հարավային Օսիայի հիմնախնդրի առկայությանը:
«Բացարձակապես վստահ եմ դրանում, ինչպես նաեւ այն բանում, որ ՆԱՏՕ-ի՝ Չիկագոյի գագաթնաժողովում դաշինքը մեկ անգամ եւս կհաստատի Բուխարեստի գագաթնաժողովի որոշումն առ այն, որ Վրաստանը կլինի կազմակերպության անդամ»,- ասել է փոխվարչապետը «Զերկալո նեդելի» ուկրաինական հրատարակությանը տված հարցազրույցում, որը հրապարակվել է թերթի վերջին համարում: Նա կարծիք է հայտնել, որ Վրաստանում խորհրդարանական ու նախագահական ընտրություններից հետո «գործնականում կբացվի ՆԱՏՕ տանող ճանապարհը»: