1 րոպեի ընթերցում
ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ:ՀՀ սփյուռքի նախարարին առընթեր ատյանի նիստի ընթացքումՀՀ սփյուռքի նախարար Հրանուշ Հակոբյանը Հայաստանի Հանրապետության անձնագիր է հանձնել ամերիկահայ հայտնի իրավաբան, նշանավոր ազգային, հասարակական գործիչ Արա Ագիշյանին, ում ՀՀ Նախագահ Սերժ Սարգսյանի հրամանագրով շնորհվել էր ՀՀ քաղաքացիություն:
Ինչպես «Արմենպրես»-ին տեղեկացրին ՀՀ սփյուռքի նախարարությունից, 2009թ. «Հայաստան» համահայկական հիմնադրամի ԱՄՆ արեւմտյան շրջանի տեղական մարմնի խորհուրդը Ագիշյանին միաձայն ընտրել է ատենապետի պաշտոնում: 15 տարի եղել է Հոլիվուդի Արշակ Տիգրանյան դպրոցի հոգաբարձուների խորհրդի քարտուղար, ինչպես նաեւ Հայկական բարեգործական ընդհանուր միության Սան Ֆերնանդոյի մասնաճյուղի ատենապետ: Հովանավորել է հայոց լեզվի, հայ մշակույթի և պատմության մի շարք ծրագրեր` Կալիֆորնիայի Լոս Անջելեսի համալսարանում, Հարավային Կալիֆորնիայի համալսարանում, ինչպես նաեւ ԱՄՆ-ի եւ Կանադայի բազմաթիվ հայկական դպրոցներում: