368.45
Նիդեռլանդներում կարգելվի դեմքն ամբողջությամբ ծածկող հագուստի կրումը հասարակական վայրերում
1 րոպեի ընթերցում
ԵՐԵՎԱՆ, 28 ՀՈՒՆՎԱՐԻ, ԱՐՄԵՆՊՐԵՍ: Նիդեռլանդներում նախարարների խորհուրդն ընդունել է Ներքին գործերի նախարարության կողմից կազմված առաջարկը, որն արգելում է հասարակական բաց վայրերում կրել դեմքը փակող հագուստ: Այս մասին հաղորդում է «Արմենպրես»-ը` վկայակոչելով թուրքական «Հուրիեթ» թերթը:
Ներքին գործերի նախարար Լիսբեթ Սփիսը նախարարների խորհրդի հետ կազմակերպած ժողովից հետո հայտարարել է, որ հաստատվել է հասարակական վայրերում դեմքը փակող հագուստի կրումը արգելող առաջարկը:
Նիդեռլանդների խորհրդարանի վերին և ստորին պալատների կողմից օրինագծի ընդունման դեպքում օրենքը խախտողներին սպասվում է 380 եվրոյի տուգանք:
Բաժանորդագրվեք մեր ալիքին Telegram-ում