Սփյուռքի նախարարը պատվոգրեր հանձնեց սփյուռքի գործիչներին

ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Հայապահպանության գործում ունեցած ավանդի համար ՀՀ սփյուռքի նախարար Հրանուշ Հակոբյանը մրցանակներ հանձնեց մի քանի անվանակարգերում: Ինչպես հաղորդում է «Արմենպրես»-ը, «Մայրենիի լավագույն ուսուցիչ» անվանակարգում առաջին կարգի մրցանակի արժանացավ 11, 2-րդ կարգի` 24 եւ 3-րդ կարգի` 14 ուսուցիչ: Նախարարը մրցանակներ հանձնեց նաեւ «Լավագույն երիտասարդական կազմակերպություն» անվանակարգում: Առաջին կարգի մրցանակի արժանացավ վեց, 2-րդ կարգի` 11, եւ 3-րդ կարգի` 10 կազմակերպություն: Իսկ «Կտոր մը Հայրենիք» անվանակարգում մրցանակներ հանձնվեցին այն հեղինակներին, որոնք լավագույն կերպով են իրենց դրսեւորել երիտասարդական հայաագիտական հետազատությունների, շարադրությունների, ստեղծագործությունների մրցույթներում: Առաջին կարգի մրցանակի է արժանացել 6, երկրորդ կարգի` 8 եւ երրորդ կարգի` 10 մասնակից:

Անվանակարգերում հաղթողներին նախարարը հանձնեց պատվոգրեր եւ դրամական խրախուսանքներ: