Շտեֆան Ֆյուլե. «Ադրբեջանը խախտում է Եվրախորհրդի առջեւ ստանձնած պարտավորությունները»
1 րոպեի ընթերցում
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Եվրամիությունն անհանգստացած է. Ադրբեջանում փաստաբանները ենթարկվում են հետապնդումների: Ինչպես «Արմենպրես»-ին տեղեկացրին Եվրոպական հանձնաժողովի մամլո ծառայությունից, նման հայտարարություն է արել Եվրամիության ընդլայնման եւ հարեւանության քաղաքականության հարցերով հանձնակատար Շտեֆան Ֆյուլեն' պատասխանելով ադրբեջանցի փաստաբան Էլջին Նամազովի ուղարկած նամակին: Վերջինս Ֆյուլեին ուղղված նամակում բարձրաձայնել էր, որ Ադրբեջանում փաստաբանների իրավունքները ոչ միայն ոտնահարվում են, այլեւ նրանք հետապնդումների են ենթարկվում:
«Սրանով Ադրբեջանը խախտում է Եվրախորհրդի առաջ ստանձնած պարտավորությունները»,-ասել է Ֆյուլեն: