1 րոպեի ընթերցում
Հայաստանի դրոշի ներքո հանդես եկող թենիսիստ, աշխարհի 104-րդ ռակետ Էլինա Ավանեսյանը մարզական կարիերայում դադար է վերցնում:
«Արմենպրես»-ի փոխանցմամբ՝ այս մասին Ավանեսյանը հայտնել է իր սոցիալական հարթակներում կատարած գրառմամբ։
«Ես ուզում ձեզ հետ կիսվել շատ անձնական մի լուրով: Դեռ մարտին ինձ մոտ մոնոնուկլեոզ ախտորոշվեց։ Սկզբում ես լիովին չէի գիտակցում, թե որքան մեծ ազդեցություն կունենա այն ինձ վրա, բայց շուտով սկսեցի անընդհատ ուժասպառ լինել, նույնիսկ ամենապարզ մարզումները իսկապես դժվարացան ինձ համար: Դա հատկապես դժվար էր ընդունել, քանի որ մրցաշրջանի առաջին երկու ամիսներն այնքան լավ անցան: Ես հանդես էի գալիս բարձր մակարդակի վրա, ինձ հիանալի մարզավիճակում էի զգում և իսկապես վայելում էի թենիսը։ Դրանից հետո ես ինձ այնքան թույլ և անկարող էի զգում ելույթ ունենալ, որ դա աներևակայելի հիասթափեցնող էր»,- գրել է Էլինա Ավանեսյանը՝ ընդգծելով, որ մարզական կարիերայում դադար է վերցնում: