Մի քննադատեք մեզ, այլ հավատացեք. Եղիշե Մելիքյան

 Հայաստանի ֆուտբոլի ազգային թիմի գլխավոր մարզիչ Եղիշե Մելիքյանի կարծիքով` Իռլանդիայի դեմ տոնած հաղթանակը փոքր քայլ է մեծ նպատակի ճանապարհին:

«Այսօրվա խաղի պլանը հաղթելն էր: Կարևորն այն է, որ խփած գոլերը մեզ հաղթանակ բերեցին: Մի խնդրանք ունեմ, մի քննադատեք մեզ, այլ հավատացեք: Շնորհակալ եմ երկրպագուներին, որ 0:5 պարտությունից հետո մեզ մենակ չթողեցին: Եթե միասին լինենք, ամեն ինչ լավ կլինի: Սա շատ կարևոր մեկ քայլ առաջ է: Մենք շատ խնդիրներ ունենք, սակայն քիչ-քիչ պիտի լուծենք այդ խնդիրները»,- «Արմենպրես»-ի հաղորդմամբ` լրագրողների հետ հետխաղյա մամուլի ասուլիսի ժամանակ ասաց մարզիչը:

Մելիքյանի խոսքով` պաշտպանները Պորտուգալիայի դեմ խաղում և Իռլանդիայի դեմ հանդիպմանը հոգեբանորեն այլ մոտեցումներ են ունեցել, ինչը, ըստ մարզչի, գովելի է:

«Շատ շնորհակալ եմ այն ֆուտբոլիստներից, որոնք խաղադաշտում նվիրված խաղ ցուցադրեցին»,-առանձնացրեց նա:

Ֆուտբոլի աշխարհի առաջնության ընտրական փուլի երկրորդ տուրում Հայաստանի հավաքականը սեփական հարկի տակ ընդունեց Իռլանդիային ու հաղթեց 2:1 հաշվով: