ԵՄ-ն հարկ կսահմանի առցանց գնվող ապրանքների համար

Եվրամիությունը (ԵՄ) նախատեսում է հարկել այն ապրանքները, որոնք պատվիրված են առցանց և ներմուծվում են երրորդ երկրներից, հիմնականում՝ Չինաստանից: Այդ մասին տեղեկացնում է «Արմենպրես»-ը՝ վկայակոչելով Financial Times-ը:

Այդուհանդերձ ԵՄ-ի առաջարկած նախագծում չի նշվում տուրքի չափը, սակայն եվրոպացի պաշտոնյաները ենթադրում են, որ այն կկազմի մոտ 2 եվրո մեկ ծանրոցի համար։ Գումարի մի մասը կգնա մաքսային ծախսերը հոգալու համար, մյուս մասը կուղղվի ԵՄ բյուջե։ Ենթադրվում է, որ տվյալ նախաձեռնությունը կարող է տարեկան միլիարդավոր եվրոներ բերել:

Ամեն տարի 4,6 միլիարդ եվրոյի ապրանքները, որոնք պատվիրված են քաղաքացիների կողմից առցանց, ներմուծվում են ԵՄ: