Իսպանիայի մի մասը մնացել է առանց ինտերնետի և հեռախոսային կապի

Իսպանիայի մի քանի շրջաններ մնացել են առանց ֆիքսված կապի և ինտերնետի՝ խոշորագույն Telefónica հեռահաղորդակցական ընկերության ցանցում տեխնիկական խափանման պատճառով։ Այդ մասին տեղեկացնում է «Արմենպրես»-ը՝ վկայակոչելով Antena 3 հեռուստաալիքը։

Կապի խափանումն արձանագրվել է Բասկերի երկրում, Վալենսիայում, Արագոնում և Էքստրեմադուրայում: Ինչպես պարզաբանել է օպերատորը, վթարի պատճառը ցանցի արդիականացման աշխատանքներն են եղել, որոնց ընթացքում տեղի է ունեցել տեխնիկական խափանում։

«Առաջին պահից միջադեպերի կառավարման կոմիտեն ակտիվացել է, տուժած հանգույցները մեկուսացվել են, և մասնագետները ժամանել են վթարի վայրեր», - հեռուստաալիքին ասել է Telefónica-ի գործառնությունների և տեղեկատվական տեխնոլոգիաների տնօրեն Սերխիո Սանչեսը:

Նշվում է, որ հեռախոսագծերն ու ինտերնետն արդեն վերականգնվել են, բացառությամբ առանձին դեպքերի։