Վախճանվել է խորհրդային դիվանագետ Վիլլի Խշտոյանը

Մոսկվայում 92 տարեկանում վախճանվել է խորհրդային դիվանագետ Վիլլի Խշտոյանը: «Արմենպրես»-ի հաղորդմամբ՝ այս մասին հայտնում է ТАСС լրատվական գործակալությունը:

Խշտոյանը տարբեր տարիներին եղել է ԽՍՀՄ ներկայացուցիչը Եգիպտոսում և Մալայզիայում, նաև զբաղեցրել է «Վնեշպոսիլտորգ»-ի նախագահի պաշտոնը։

1967 թվականից ամուսնացած էր խորհրդային ճանաչված դերասանուհի Նադեժդա Ռումյանցևայի հետ: Նրանք համատեղ ապրել են 42 տարի, երեխաներ չունեին: Ռումյանցևան մահացել է 2008 թվականին: