Ուիթքոֆը կարող է մեկնել ՌԴ Լոնդոնում Ուկրաինայի իշխանությունների հետ բանակցություններից հետո. The Wall Street Journal

ԱՄՆ նախագահի հատուկ բանագնաց Սթիվեն Ուիթոֆն այս շաբաթ Լոնդոնում կայանալիք բանակցություններից հետո, որոնց կմասնակցեն նաև Ուկրաինայի իշխանությունների ներկայացուցիչները, կարող է մեկնել Ռուսաստան։

Ինչպես հաղորդում է «Արմենպրես»-ը, այդ մասին հայտնում է The Wall Street Journal-ը։

Ըստ թերթի տվյալների՝ բացի Ուիթքոֆից, Լոնդոնում կայանալիք հանդիպմանն ԱՄՆ-ի կողմից սպասվում է պետքարտուղար Մարկո Ռուբիոյի և Ուկրաինայի հարցով ԱՄՆ նախագահի հատուկ բանագնաց Քիթ Քելլոգի մասնակցությունը։ Խորհրդակցությունների արդյունքներով   Վաշինգտոնի, Եվրոպայի և Կիևի դիրքորոշումների համընկման դեպքում Ուիթքոֆը կարող է մեկնել Ռուսաստան։