384.44
Թրամփի սահմանած մաքսատուրքերը կարող են ԱՄՆ-ում մեծացնել դեղամիջոցների դեֆիցիտը. Financial Times
1 րոպեի ընթերցում
Միացյալ Նահանգների նախագահ Դոնալդ Թրամփի սահմանած մաքսատուրքերը կարող են մեծացնել դեղերի պատրաստուկների դեֆիցիտն ԱՄՆ-ում, այդ թվում՝ հանգեցնել քաղցկեղի դեմ պատրաստուկների անբավարարության: «Արմենպրես»-ի փոխանցմամբ՝ այդ մասին հաղորդում է Financial Times-ը՝ վկայակոչելով դեղագործական արդյունաբերության ներկայացուցիչներին։
«Ջեներիկներ արտադրողները նախազգուշացրել են, որ դեղերի պատրաստուկների վրա ԱՄՆ-ի մաքսատուրքերը կարող են հանգեցնել դեղամիջոցների, այդ թվում՝ քաղցկեղի բուժման միջոցների դեֆիցիտի»,-գրում է հրատարակությունը։
Միևնույն ժամանակ դեղամիջոցների դեֆիցիտն արդեն հասել է 2024 թ. առաջին եռամսյակում ԱՄՆ-ի ռեկորդին. երկրի առողջապահական համակարգը հատկապես տուժում է նվազ շահութաբեր պատրաստուկների պակասից։
Թերթի տվյալներով՝ ԱՄՆ ներկրվող պատրաստուկների զգալի մասն արտադրվում է Հնդկաստանում, իսկ ակտիվ նյութերը հաճախ գնվում են Չինաստանից։
Թերթը հիշեցնում է, որ առայժմ ամերիկյան նոր մաքսատուրքերը չեն ազդել դեղագործական ապրանքների վրա, սակայն Թրամփը նախազգուշացրել է, որ պլանավորում է դրանք տարածել դեղագործական արդյունաբերության վրա։
Բաժանորդագրվեք մեր ալիքին Telegram-ում