390.9
ԱՄՆ-ն ակնկալում է Ուկրաինայում կայուն խաղաղության հաստատում
1 րոպեի ընթերցում
Միացյալ Նահանգները հույս ունի կայուն խաղաղության հասնել Ուկրաինայում։
Ինչպես հաղորդում է «Արմենպրես»-ը, վկայակոչելով «ՏԱՍՍ»-ը, այս մասին Fox Business հեռուստաալիքի եթերում հայտարարել է Պետդեպարտամենտի մամուլի ծառայության ղեկավար Թեմմի Բրյուսը։
«Որպեսզի հնարավոր լինի խոսել խաղաղության մասին, այն մասին, թե ինչպես կարող ենք հասնել կայուն խաղաղության, ոչ թե խաղաղության, որը տևում է վեց ամիս կամ նույնիսկ մեկ կամ երկու տարի, նախ պետք է դադարեցվի սպանությունը: Կրակոցները պետք է դադարեցվեն, սպանությունները պետք է դադարեցվեն, և հենց դրան են ուղղված մեր ջանքերը»,-ընդգծել է Բրյուսը։
Նրա խոսքով՝ աշխարհը ցանկանում է, որ այս հակամարտությունն ավարտվի։ «Հենց այդ նպատակով պետքարտուղար Մարկո Ռուբիոն կիրառում է մաքոքային դիվանագիտություն, որին կհաջորդի նախագահ Դոնալդ Թրամփի և Ռուսաստանի նախագահ Վլադիմիր Պուտինի զրույցը, որպեսզի Ռուսաստանը համաձայնի հրադադարի, և մենք կարողանանք գործի անցնել»,- ամփոփել է Պետդեպարտամենտի մամուլի ծառայության ղեկավարը։
Բաժանորդագրվեք մեր ալիքին Telegram-ում